Tunakusogezea karibu habari na matukio, zaidi habari za kisiasa na utawala, matukio ya Arusha na maeneo jirani, bila kusahau na mambo mengineyo ya kitaifa yanayojiri katika maeneo mbalimbali ya nchi kuhusu maendeleo na kuwa ya maslahi kwa watu wengi. Burudani na michezo pia havijasahaulika. Kizuri zaidi, unaweza kupata link ya Blogu nyingine na website muhimu hapa hapa kwa kuscroll mpaka chini. Karibu tuhabarike!

Anayedaiwa Kuzusha Taarifa za kifo cha Mkuu wa Majeshi kortini

 

yeye na wengine (1)

 

MWANAFUNZI wa Chuo cha Teknolojia cha Dar es Salaam (DIT), Benedict Ngonyani, amefikishwa mahakamani kwa tuhuma za kusambaza taarifa kuwa Mkuu wa Majeshi ya Ulinzi nchini, Davis Mwamunyange, amelishwa sumu.

Mshtakiwa huyo anadaiwa kusambaza taarifa hizo za uongo kupitia mtandao wa Facebook, huku akidai Mwamunyange baada ya kulishwa sumu alipelekwa Nairobi kwa matibabu.

Ngonyani, ambaye ni mkazi wa Magomeni Mapipa, Dar es Salaam, ni mwananchi wa kwanza kufikishwa mahakamani tangu kuanza kutumika kwa Sheria mpya ya Mtandao.

Mwanafunzi huyo alifikishwa jana katika Mahakama ya Hakimu Mkazi Kisutu, baada ya kukamatwa na Jeshi la Polisi kwa kushirikiana na Mamlaka ya Mawasiliano Tanzania (TCRA).

Upande wa Jamhuri ukiongozwa na Wakili wa Serikali Mwandamizi, Shadrack Kimaro, kwa kushirikiana na Wakili wa Serikali Mkuu wa TCRA, Johannes Kalungura na Wakili wa Serikali Mwandamizi, Theophil Mutakyawa na Jackline Nyantori na Anastazia Wilson, walimsomea mshtakiwa shtaka hilo mbele ya Hakimu Mkazi, Respicius Mwijage.

Kimaro alidai mshitakiwa alitenda kosa hilo, Septemba 25, mwaka huu, Dar es Salaam, ambapo alisambaza taarifa kupitia mtandao wa Facebook, kwamba Jenerali Mwamunyange amelishwa sumu.

Wakili huyo alidai mshtakiwa huyo alifanya hivyo wakati akijua kwamba taarifa hizo ni za uongo na zililenga kupotosha umma.

Mshtakiwa alikana shtaka hilo, ambapo Kimaro alidai Mkurugenzi wa Mashtaka nchini (DPP), kwa mamlaka aliyonayo amewasilisha hati ya kuzuia dhamana kwa mshtakiwa kwa sababu kuna mambo ya taifa anayoyashughulikia.

Hakimu Mwijage alisema mahakama inakubaliana na hati hiyo, hivyo mshtakiwa atakwenda rumande na dhamana yake itatolewa pale DPP atakapoondoa hati yake.

Kimaro alidai upelelezi unaendelea na kuomba shauri hilo kuahirishwa hadi tarehe nyingine kwa kutajwa. Hakimu aliahirisha kesi hiyo hadi Oktoba 23, mwaka huu na mshitakiwa alirudishwa rumande.

Akizungumza nje ya mahakama, Wakili wa Serikali Mkuu wa TCRA, Kalungura, alitoa onyo kwa vijana wanaotumia mitandao akiwaasa kuitumia vizuri na si kutoa taarifa za uongo.

Alidai mtuhumiwa huyo alitoa taarifa kwamba Jenerali Mwamunyange amelishwa sumu yuko Nairobi, nchini Kenya kwa matibabu, huku akijua si kweli.

Alitoa wito kwa vijana ambao wengi wapo katika mitandao waitumie vizuri kwa kuwa ukituma matusi, taarifa za uongo ambazo hazijathibitishwa utakamatwa.

Naye Kamishna Msaidizi wa Polisi, Charles Kenyela, alisema mtuhumiwa huyo ndio kafungua sheria hiyo mpya ya mtandao, hivyo anawaonya vijana kuacha kufanya mambo hayo katika mitandao.

“Mtuhumiwa hajatumwa na mtu, wala hakuna mamlaka husika iliyomwelekeza kufanya hivyo. Natoa onyo kwa vijana kuacha kutumia mitandao vibaya,” alisema.

Wakati huo huo, wafanyabiashara watano, raia wa kigeni, wamepandishwa kizimbani katika Mahakama ya Hakimu Mkazi Kisutu, wakidaiwa kuisababishia Serikali hasara ya zaidi ya Sh milioni 880 kwa  kuingiza vifaa vya mawasiliano nchini na kutoa huduma ya mawasiliano bila kuwa na leseni.

 

 

Rais wa Namibia ataka uwazi katika chaguzi za Afrika

0

1

0

Rais Dkt.Jakaya Mrisho Kikwete akiwa na mgeni

Rais Dkt.Jakaya Mrisho Kikwete akiwa na mgeni wake Rais Dkt.Hage Geingob wa Namibia ikulu jijini Dar es Salaam. 

Kwa ufupi

Amewaambia mabalozi kuwa wakati umefika kwa viongozi wa Afrika kuboresha mifumo yao katika kuendesha chaguzi sambamba na kutoa fursa kwa watu kufanya chaguzi za kidemokrasia.

By Joyce Mmasi, Mwananchi

Dar es Salaam. Rais wa Namibia Dkt Hage Geingob amesema nchi za Afrika zinapaswa kuweka mazingira ya uwazi katika chaguzi zake ili kuondoa manung’uniko baina ya wanasiasa na vyama vitakavyoshindwa.

Akizungumza na mabalozi mbalimbali wa Afrika leo jijini Dar es salaam, Dk Geingob amesema mazingira ya chaguzi yakiwa wazi na yenye uhuru na haki yataepusha wasiwasi kwa wanasiasa kuhisi wameibiwa hali aliyosema inaweza kusababisha machafuko.

Amewaambia mabalozi kuwa wakati umefika kwa viongozi wa Afrika kuboresha mifumo yao katika kuendesha chaguzi sambamba na kutoa fursa kwa watu kufanya chaguzi za kidemokrasia.

“Ni lazima chaguzi ziendeshwe katika mazingira ya uwazi na ukweli, hii itaondoa wasiwasi na kuepusha malalamiko ya hisia za kuwepo kwa udanganyifu kwa wale wanaoshindwa” amesema.

Akizungumzia uchaguzi mkuu ujao, rais huyo wa Namibia amesema Tanzania ni kisiwa cha amani na anayo imani kubwa kuwa uchaguzi wake utafanyika katika hali ya amani na vile vile utakuwa wa haki na huru.

Amewataka wanasiasa na wananchi wa Tanzania kuwa wavumilivu katika kipindi hiki kuelekea uchaguzi mkuu na kwa washiriki wa nafasi mbalimbali kukubali kushindwa.

0

1

0

 

 

Washtakiwa hao walifikishwa mahakamani hapo jana na TCRA, wakikabiliwa na kesi tatu tofauti za uhujumu uchumi.

Kwa mujibu wa hati ya mashitaka, washitakiwa hao ambao wote walisomewa mashitaka mbele ya Hakimu Mkazi, Respicius Mwijage, ni Ally Hamze (53), raia wa Afrika Kusini, Huang Bing (26).

Wengine ni Hafeez Irfan (32), Mirza Baig (41) na Irfan Baig (46), wote raia wa Pakistan na wakazi wa Dar es Salaam.

Jopo la Mawakili wa Serikali, Wakili wa Serikali Mwandamizi, Hellen Moshi, Wakili wa Serikali Mkuu wa TCRA, Johannes Kalungura na Wakili wa Serikali, Jacqline Nyantori, waliwasomea washitakiwa hao mshitaka yanayowakabili.

Washtakiwa hao walisomewa mashtaka kula njama, kuingiza nchini vifaa vya mawasiliano bila leseni, kuvisimika, kuendesha huduma za mawasiliano bila kibali kutoka TCRA, kuendesha huduma hizo na kukwepa malipo na kuisababishia serikali na mamlaka hiyo hasara ya Sh 883,953,000.

Washitakiwa hao wanadaiwa kutenda makosa hayo kati ya Agosti hadi Septemba, mwaka huu, Dar es Salaam.

Hata hivyo, washitakiwa hao hawakutakiwa kujibu lolote kwa kuwa mahakama hiyo haina mamlaka ya kusikiliza kesi hizo.

Upande wa Jamhuri ulidai upelelezi wa kesi hizo haujakamilika, hivyo kuomba kuahirishwa hadi tarehe nyingine.

Hakimu aliahirisha kesi hizo hadi Oktoba 23, mwaka huu na washitakiwa wote walirudishwa rumande hadi tarehe hiyo.

NA KULWA MZEE, DAR ES SALAAM

CHANZO: MTANZANIA

Washirikishe Google Plus

About SeriaJr TW

SeriaJr will keep you updated with all current political news countrywide "Ndiye "Bosi" Mzito Arusha255" Karibu Tuhabarike!.
    Blogger Comment
    Facebook Comment

0 maoni:

TANZANIA, THE HOME OF KILIMANJARO

Don't Forget To Like Our FacebookPage
×
Click Here To Visit our Page