Tunakusogezea karibu habari na matukio, zaidi habari za kisiasa na utawala, matukio ya Arusha na maeneo jirani, bila kusahau na mambo mengineyo ya kitaifa yanayojiri katika maeneo mbalimbali ya nchi kuhusu maendeleo na kuwa ya maslahi kwa watu wengi. Burudani na michezo pia havijasahaulika. Kizuri zaidi, unaweza kupata link ya Blogu nyingine na website muhimu hapa hapa kwa kuscroll mpaka chini. Karibu tuhabarike!

Askari wa Tz Waliouawa Darfur: JK atoa tamko kali

Rais Kikwete akitoa heshima za mwisho kwa marehemu askari waliouwawa huko Darfur wakitekeleza majukumu ya umoja wa mataifa ya kulinda amani.


Dar es Salaam.

Rais Jakaya Kikwete ameutaka Umoja wa Mataifa (UN), kuruhusu kutumika kwa mtutu katika operesheni za kulinda amani zinazoendelea.

Alitoa kauli hiyo jana baada ya kutoa heshima zake kwa wapiganaji saba wa Tanzania waliokuwa Darfur, Sudan katika operesheni ya kulinda amani ya UN na Afrika (Unamid) ambao waliuawa na kundi linalodaiwa la wanamgambo wa Janjaweed wanaoungwa mkono na Serikali ya Sudan inayoongozwa na Rais Omar al-Bashir.

Wapiganaji waliouawa ni Oswald Chaula kutoka 42KJ Chabruma, Songea, Peter Werema (44KJ Mbeya), Fortunatus Msofe (36KJ Msangani, Pwani), Rodney Ndunguru (92KJ Ngerengere), Mohamed Juma (94KJ Mwenge), Mohamed Chukilizo (41KJ Nachingwea) na Shaibu Othman (MMJ- Upanga).

“Lazima nikiri kuwa taarifa hiyo ya vifo vya vijana wetu ilinihuzunisha, kunisikitisha na kunikasirisha. Kwa nini watu wa Darfur wawaue wanajeshi wetu ambao wamekwenda kule kuwasaidia wapate utulivu ili kunusuru maisha yao, kuwaondolea wasiwasi na kuwawezesha wafanye shughuli zenye tija kuendesha maisha yao?

“Moja kwa moja sikusita kuamini kuwa waliofanya hivyo ni watu wahalifu. Tangu uhuru ni sera ya nchi yetu kutetea wanyonge dhidi ya ukoloni, ubaguzi, uonevu, dhuluma na watu wote walioko katika mazingira hatarishi Afrika na duniani. UN ifanyie marekebisho sheria ili majeshi yanayolinda amani yawe na nguvu za kujihami ili kuzuia maafa yanayoweza kujitokeza.”

Hivi karibuni, Msemaji wa Unamid, Chris Cycmanik alimwambia mwandishi wetu: “Majeshi ya UN mjini Darfur yanaweza kufanya kazi chini ya Kifungu cha VII ambao inaruhusu kutumia nguvu lakini kwa hali iliyopo hawafanyi hivyo,” alisema.

Rais Kikwete alisema eneo hilo ni hatarishi kwa sababu hadi sasa watu 41 kutoka katika nchi mbalimbali wameuawa wakati wakilinda amani huku wengine 55 wakijeruhiwa tangu mpango wa kulinda amani ulipoanza mwaka 2007.

“Tumeshawasilisha UN maombi kutaka Kifungu namba Sita cha kulinda amani kibadilishwe na kitumike Kifungu namba Saba ambacho kinawataka askari kujihami pindi wanapovamiwa na maadui,” alisema.

Alisema tayari amewasiliana na Rais al-Bashir akimtaka kufanya uchunguzi na kuwachukulia hatua kali wote waliohusika na tukio hilo huku akiwataka wanajeshi kutokata tamaa kwa tukio hilo na kulichukua kama changamoto katika kujilinda na kuwabaini maadui.

Aliwapa pole wafiwa na kusema Serikali na wananchi wote wapo pamoja katika kipindi hiki kigumu na kuwataka kuwa na subira. Waziri wa Ulinzi na Jeshi la Kujenga Taifa, Shamsi Vuai Nahodha alisema kitendo cha waasi kuwaua wanajeshi saba wa Tanzania ni mkakati wa vikundi vya waasi kuhakikisha kuwa jitihada za kuleta amani zinagonga mwamba.

Mkuu wa Jeshi la Wananchi wa Tanzania (JWTZ), Jenerali Davis Mwamunyange alisema askari hao pamoja na wengine walikuwa wakisindikiza msafara wa walinzi wa amani uliokuwa ukitoka katika kambi yao karibu na Mji wa Nyala.

Alisema walipofika kilometa 25, katika eneo la Khor Abeche walivamiwa kwa kushtukizwa na kikundi cha watu wachache na kwa sababu hawakuwa na silaha za kujihami, walishindwa kujitetea na kusababisha vifo hivyo.


Simanzi, vilio vyatawala

Rais Kikwete aliwasili katika Wizara ya Ulinzi na Jeshi la Kujenga Taifa saa 11.10 asubuhi na kupokewa na Makamu wa Rais, Dk Mohamed Gharib Bilal, Waziri wa Ulinzi na Jeshi la Kujenga Taifa, Shamsi Vuai Nahodha na Jenerali Mwamunyange.

Muda mfupi baadaye, malori saba kila moja likiwa na mwili wa wanajeshi hao yaliwasili katika viwanja vya wizara hiyo.

Wakati miili hiyo ikiteremshwa kwa ajili ya kuaga, wafiwa ambao awali, walikuwa wametulia kwenye viti walianza kulia.

Rais na mkewe, Salma walianza kutoa heshima zao na kisha kuwapa mkono wa pole wafiwa.

Askari wawili wa JWTZ walizirai wakati utoaji huo wa heshima za mwisho ukiendelea na walibebwa na wenzao kwenda kupatiwa huduma ya kwanza.

Mamia ya wakazi wa Dar es Salaam walijitokeza katika viwanja hivyo kiasi cha wengine kukosa nafasi ya kuingia ndani hivyo kulazimika kukaa nje hadi miili hiyo ilipoondoshwa tayari kwa kusafirishwa sehemu mbalimbali kwa maziko.

Ndugu na jamaa wa askari saba wa Tanzania waliokuwa katika Jeshi la Kulinda Amani la Umoja wa Mataifa na Afrika (Unamid), waliouawa huko Darfur, Sudan wakiwa na simanzi wakati wa kutoa heshima za mwisho katika Viwanja vya Makao Makuu ya Wizara ya Ulinzi na Jeshi la Kujenga Taifa, Dar es Salaam jana. Picha na Emmanuel Herman.  


Stori na Mwananchi

Washirikishe Google Plus

About SeriaJr

SeriaJr will keep you updated with all current political news countrywide "Ndiye "Bosi" Mzito Arusha255" Karibu Tuhabarike!.
    Blogger Comment
    Facebook Comment

0 maoni:

TANZANIA, THE HOME OF KILIMANJARO

Don't Forget To Like Our FacebookPage
×
Click Here To Visit our Page