Taswira za mkutano wa CHADEMA eneo la Kia, Kilimanjaro Juni 10, 2012

Chama cha Demokrasia na Maendeleo kimeendelea na mikutano yake ya hadhara katika Wilaya ya Hai kwa kufanya mkutano mwingine eneo jirani na uwanja wa Kimataifa wa ndege KIA juzi.

Mkutano huo ulioratibiwa na viongozi wa chama hicho ngazi ya Wilaya ulihudhuriwa na baadhi ya ‘makamanda’ wa chama hicho tokea mkoani Arusha baadhi wakiwa wasemaji waalikwa.

Pamoja na mambo mengine, tatizo la ajira kwa wenyeji wa eno la uwanja na mishahara hewa liliibuliwa katika mkutano huo.

Mjumbe wa Kamati tendaji Wilaya wa chama hicho, Ndg Joseph Shao maarufu kama Kimeta wa Mererani aliibua tuhuma hizo na kulalamika kuwa wageni ndio wamekuwa wakipata ajira katika uwanja huo wa na kwamba wenyeji wangepaswa kupewa kipaumbele.

Bw Shao aligusia pia uwepo wa watumishi ambao hawapo kazini kwa zaidi ya miaka 10 lakini bado mishahara yao inatoka nakuliwa na wajanja wachache bila kuwafikia wahusika.

Joseph Shao, mjumbe wa Kamati tendaji CHADEMA Wilaya ya Hai akihutubia

Kamanda wa CHADEMA toka Arusha, Magoma Jr Magoma alifafanua mapungufu yaliyopo katika utekelezaji wa ilani ya CCM

Benchi la viongozi na wananchama waalikwa mkutanoni hapo

Hapa ni kabla safari ya kwenda Kia tokea Arusha haijaanza…

Anaitwa Doris Cornely. Mwanadada huyu aliwahimiza wananchi hao wa Kia kujitokeza kwa wingi kujiandikisha katika daftari la wapiga kura na pia kushiriki katika mchakato wa kuandika Katiba mpya ya nchi pindi muda ukifika.

   Mwananchi huyu aringishia kadi yake mara baada ya kuilipia na kukabidhiwa

Vijana wa BAVICHA toka Arusha ambao waliamua kufanya safari kuungana na wenzao wa Hai katika mkutano huo. Kutoka kushoto, Hassan Noor, Moses Joseph, Doris Cornely, Zion William, Emmanuel Saro na mkulu wa blog hii akiwachombeza mawili matatu.

Mwenyekiti wa Baraza la Wananwake CHADEMA Wilaya ya Hai, Bi Mamuu Daud Lole akilalamikia makosa yaliyofanywa na NECTA katika utoaji matokeo ya Somo la Kiislamu na kuwafelisha wanafunzi ambavyo haikustahili. Anaezungumza nae ni Ndg Calist Bush, aliekuwa Mwenyekiti wa TLp Wilaya ya Arusha kabla ya kujiunga na CHADEMA mapema mwaka huu.

Kamanda wa Vijana CHADEMA Arusha, ambae pia ni mwanasheria, James Lyatuu akimuelekeza namna ya kufanya ishara ya “v” mwananchama huyu mpya Christina Mtuha aliekuwa miongoni mwa watu kumi walionunua kadi za uanachama pale Big L Pub wakati makamanda hao wakiwa wamefika hapo kujipongeza

Picha zote na maelezo: Tumainiel Seria

Washirikishe Google Plus

About SeriaJr

SeriaJr will keep you updated with all current political news countrywide "Ndiye "Bosi" Mzito Arusha255" Karibu Tuhabarike!.