PICHA KUTOKA MAKAMBAKO: SALUM MWALIM NA JOSHUA NASSARI WALIVYOPOKELEWA MAKAMBAKO

Pichani ni Mbunge wa Arumeru Mashariki Joshua Nassari katika Meza Kuu na NKMZ Mh Salum Mwalimu mjini Makambako. Picha nyingine zikiwaonesha Naibu Katibu Mkuu Zanzibar (CHADEMA) Mh Salum Mwalimu na Mbunge wa Arumeru Magharibi Joshua Nassari wakihutubia wananchi wa Makambako, mkoani Njombe kwenye mkutano wa hadhara uliofanyika jana (juzi) kwenye Uwanja wa Azimio, ikiwa ni sehemu ya operesheni ya mafunzo kwa viongozi kukiandaa chama kwenda kushinda dola na kuongoza serikali

Nassari na Salum Mwalimu wapo Nyanda za Juu Kusini , ambapo kulifanyika mikutano kama huo Njombe na Songea, na jana ilikuwa zamu ya Makambako kwa pamoja na Naibu Katibu Mkuu Chadema Zanzibar Kamanda Salum Mwalimu.

Chadema wamejitawanya maeneo mbali mbali ya nchi. Katibu Mkuu, Dr Slaa yupo Morogoro, Mwenyekiti Mbowe yupo Kanda ya Ziwa Magharibi, Naibu Katibu Mkuu Bara na Mbunge wa Ubungo Mh John Mnyika yupo Kanda ya Serengeti,wakati Makamu Mwenyekiti Prof Safari na timu yake wapo Kanda ya Kaskazini. Viongozi wengine wako ameneo tofauti tofauti mikoani.

Kupitia Ukurasa wake wa Facebook, Mh Nassari amewashukuru sana wananchi wa Makambako kwa kujitokeza kwa wingi na kuchangia sadaka ili waweze kuendelea na ziara hiyo.