Godbless Lema na Wenzake Waachiwa Kwa Dhamana, Alikamatwa Tangu Jana Jioni Baada ya Mkutano wa Kuzindua Kampeni za CHADEMA Arusha

Lema akizungumza na waandishi wa habari mara baada ya kuachiwa huru.
****

Imeandikwa Na Sauli Giliard, Mwananchi

Mgombea ubunge jimbo la Arusha Mjini kwa tiketi ya Chama cha Demokrasia na Maendeleo (Chadema), Godbless Lema na wenzake wanne wameachiliwa kwa dhamana leo baada ya kushikiliwa na polisi tangu jana.

Polisi mkoani Arusha walimkamata mwanasiasa huyo pamoja na watu wengine wanne jana jioni mara baada ya kuzindua kampeni yake ya kuwania ubunge katika jimbo hilo kwa awamu ya pili katika Shule ya Msingi Ngarenaro.

Wakisomewa mashtaka katika mahakama ya Arusha, Lema amedaiwa kulizima gari lake wakati wakitokea kwenye mkutano wa kampeni, hali iliyowafanya wafuasi wake kuanza kulisukuma hivyo kusababisha maandamano pasipo kuwa na kibali cha polisi. Lema na wenzake wameyakana mashtaka dhidi yao.

Mwanasiasa huyo na wenzake wameachiwa huru baada ya kutimiza masharti ya dhamana waliyowekewa.

Mh Lema akitoa maelezo Kituo Kikuu cha Polisi Arusha

Washirikishe Google Plus

About Ujenzi Connekt

SeriaJr will keep you updated with all current political news countrywide "Ndiye "Bosi" Mzito Arusha255" Karibu Tuhabarike!.