Taswira: Mkutano wa Chadema Loliondo Jumamosi hii; Lissu asimulia historia ya mgogoro wa ardhi ya Loliondo

Sehamu ya wananichi wa Soitsambu waliojitokeza katika mkutano wa Chadema eno hilo siku ya Jumamosi Aprili 6, 2013. Katika mkutano huo Chadema iliwakilishwa na viongozi wake ambao pia ni wakurugenzi katika chama akiwemo Mh Tundu Lissu, Mh Peter Msigwa.

Lissu alihutubia mkutano mkubwa wa hadhara katika Kijiji cha Soitsambu juzi, alisema kuwanyang’anya ardhi Wamaasai ni muendelezo wa dhuluma inayofanywa na serikali dhidi ya jamii hiyo tangu enzi ya ukoloni ambapo walifukuzwa kutoka eneo la hifadhi ya sasa ya Serengeti mwaka 1958/59.

Alisema baada ya uhuru, serikali iliendelea kutwaa ardhi za Wamaasai kwa kuanzisha hifadhi za taifa za Manyara, Tarangire na Arusha huku maeneo mengine katika wilaya za Simanjiro, Monduli, Kiteto na Longido yakigeuzwa mapori ya akiba.

Lissu alisema kuwa badala ya kufikiria kuwahamisha wafugaji hao, ilipaswa kuwapongeza kwa kumudu kuhifadhi mazingira na wanyamapori katika maeneo yao tofauti na makabila mengine nchini yaliyoharibu mazingira na kuua wanyamapori kwenye maeneo yao.

Naye Mch. Msigwa aliwataka Wamaasai kuonyesha hasira yao kwa kukinyima kura Chama Cha Mapinduzi (CCM) katika chaguzi zijazo kuanzia serikali za mitaa mwakani na uchaguzi mkuu ujao 2015

Viongozi wengine lwaliohudhuria mkutano huo ni James Millya, Katibu wa Kanda ya Kasakazini Bw Amani Golugwa, Katibu wa Wilaya Arusha Mjini, Bw Sarungi, Mwenyekiti wa Vijana Mkoa Mh Ephata Nanyaro, Mwenyekiti Vijana Wilaya Bw Noel Olevaroya.

Viongozi na watu wengine walioambatana na msafara huo ni Kiongozi wa Vijana Wilayani Hai, Bi Doris Cornel, Christopher Mbajo toka Same, Katibu wa Vijana Wilaya Arusha Mjini, Glory Kaaya, Kamanda Magoma Jr Magoma na Kiongozi wa Vijana Kata ya Sekei, Ndg Bahati.

Katibu wa Vijana Wilaya ya Arusha (CHADEMA), Bi Glory Kaaya katika pozi na wanawake wa Ngorongoro

Kina mama wakionesha ishara ya vidole viwili inayotumiwa na Chadema, mwenye rubega nyekundu ni mwanaChadema toka Arusha, Doris Cornel

Benchi la viongozi wa Chadema

Katibu Mkuu wa Chadema Mkoa wa Arusha ambae pia ndie Katibu Mkuu wa muda Chadema Kanda ya Kasakazini, Mh AMani Golugwa (mwenye suti nyeusi) akishauriana jambo nakiongozi mwenzake