Kufuatia uwekezaji wa miradi ya hoteli kubwa mjini Arusha, baadhi ya maeneo yamejikuta yakibadilika na kuvutia baada ya kufanyiwa maboresho makubwa na wawekezaji hao.
Ukitembelea zilipo ofizi za Mkuu wa Mkoa wa Arusha kuzunguka Mnara wa Mashujaa, utakutana na mandhari nzuri na ya kuvutia ikiwa na sehemu maalumu za kupumzikia.
Muonekano huu mpya wa eneo hili unatokana na ufadhili wa wamiliki wa hotel mpya iliyojengwa eneo hilo “The Palace Hotel Arusha”
Dr Hans Macha, Mkurugenzi wa The Palace Hotels Ltd ya Dar es Salaam aliomba kibali Manispaa kupaendeleza kwa gharama zaidi ya mil 120 ili kuweka mandhari nzuri kwa hotel yake iliyo mkabala na eneo hilo.
Itakumbukwa kwamba eneo hilo hapo awali lilikuwa likitumiwa sana na kina dada wanaojiuza na wateja wao kufanya vitendo vya ngono nyakati za usiku.
Kwa sasa ni vigumu kupata nafasi ya kufanya ufuska eneo hilo kwasababu kuna walinzi muda wote na pia kumewekwa taa zinazowaka muda wote nyakati za usiku.
Hotel ya Palace Arusha kama inavoonekana pichani.. sehemu ya kuingilia mapokezi
Picha & Maelezo: Tumainiel W. Seria
0 maoni:
Post a Comment