Hali ya kiafya ya Mbunge wa Rombo (Joseph Selasini) alielazwa katika Hospitali ya Rufaa ya KCMC kufuatia ajali ya gari iliyomtokea Mei 24, 2012 katika eneo la Boman’gombe Wilayani Hai inaelezwa kuwa bado haijaimarika.
Taarifa zinaeleza kuwa Mbunge huyo bado anahisi maumivu makali sehemu za kifuani, lakini majeraha ya mikononi yameanza kuonesha nafuu ya kupona.
Mke wake ambae pia walipata ajali hiyo iliyopelekea vifo vya mama mzazi wa mbunge, mama mkwe wake na ndugu mwingine hapo hapo, yeye bado yuko amelazwa katika chumba cha watu mahututi kwa uangalizi zaidi na hali yake inaelezwa kuwa sio nzuri.
Katika hatua nyingine, inalelezwa kuwa maziko ya marehemu mama mzazi wa mbunge huyo yanatarajiwa kufanyika katika kijiji cha Kiria – Makidi Wilayani Rombo siku ya Jumatano Mei 30, 2012.
Wakati huo huo baba mzazi wa mbunge huyo nae amelazwa hospitalini hapo kwa matatizo ya kupooza mwili.
Blog hii inawaomba watanzania kufanya maombi kumuomba Mungu kunusuru afya na uhai wa majeruhi hawa na halikdhalika kumpa ujasiri Mbunge huyu katika kipindi hiki kigumu kwake, na pia kwa wafiwa wote.
Mungu aziweke roho za marehemu mahali pema peponi, na awapatie uponaji wa haraka majeruhi wote ili waweze kuendelea na shughuli zao za kulitumiia taifa. Amina!
0 maoni:
Post a Comment