Mwili wa Bi Bertha Matai (44) aliekuwa Katibu wa BAWACHA Kata ya Unga Ltd umezikwa leo kijijini kwake Lawate-Lukanyi, Jimbo la Hai Mkoani Kilimanjaro ambapo viongozi mbalimbali wa chama chake walihudhuria sherehe za mazishi.
Miongoni mwa waliohudhuria maziko hayo ni pamoja na aliekuwa mbunge wa Arusha Mjini ambae rufaa ya kupinga kuvuliwa ubunge wake inatarajiwa kusikilizwa baadae mwezi huu, Mh Godbless Lema, na Mbunge wa Viti Maalumu (CHADEMA) Mh Joyce Mukya.
Wengine walioshiriki ni madiwani wa CHADEMA kutoka Hai, Moshi, Siha na Arusha, pamoja na viongozi wengine wa chama.
Mwili wa marehemu uliagwa katika hospitali ya Mt Meru na pia Ofisi ya chama Kata ya Unga Ltd kwa sala na dua kisha kabla ya kusafirishwa kwenda Moshi kwa maziko.
Bi Matai alifariki siku ya Alhamis tarehe 30 Agosti, 2012 baada ya kusumbuliwa na maleria kwa muda wa wiki moja. Alifikwa na mauiti katika hospitali ya Mt Meru alikohamishiwa kutoa Selian kwa matibabu zaidi.
Marehemu ameacha mume na watoto wawili ambao, mmoja yuko kidato cha pili na mwingine cha tatu.
Blog hii inawapa pole wafiwa wote, Mungu awape ujasiri,kifo hiki kiwe ukumbusho wa sisi tuliobaki kuishi kwa kutenda memo yanayompendeza Mungu. Mungu aiweke roho ya marehemu mahali pema peponi. Amina!
0 maoni:
Post a Comment