VIONGOZI wa Umoja wa Vijana na Chama cha Mapinduzi (UVCCM), waliovuliwa uongozi na Baraza Kuu la Vijana Mkoa wa Mbeya, wanatarajia kujibu mapigo kwa kuzungumza na waandishi wa habari.
Taarifa za uhakika kutoka ndani ya chama hicho, zimesema kuwa baada ya baraza hilo kumvua nafasi ya ukamanda wa UVCCM mkoa, mfanyakazi wa Benki Kuu ya Tanzania Tawi la Mbeya, Stephen Mwakajumilo na Mwenyekiti wa Vijana wa Wilaya ya Mbeya Mjini, Onesmo Nswilla, sasa vita kali imeanza.
Nswilla anatarajia kuzungumzia sakata hilo mbele ya waandishi wa habari na kutoa dukuduku lake.
Alipotafutwa kwa njia ya simu na Tanzania Daima ili kuthibitisha tetesi hizo, Nswilla alikiri kuwepo kwa mpango huo akisema kuwa atazungumzia hatima ya uongozi wake na mengine mengi.
Chanzo: Tanzania Daima
0 maoni:
Post a Comment