Katika malaliko yao, wanaeleza kuwa chombo hiki cha habari kimewanyima fursa ya kuweza kujua kile kinachoendelea Arumeru kwa uhalisia wake. Wakitolea mfano, wanadai kwa takribani siku nne mfululizo wamekuwa wakifuatilia matangazo ya kituo hicho lakini wakaishia kukutana na matangazo na mwenendo wa kampeni za Chama Cha Mapinduzi, CCM pekee. katika taariza zao za habari.
Kwa jinsi mjadala ulivyokuwa hawakuridhishwa na hali hiyo kutokana na ukweli kwamba taarifa za awali zinaeleza kule Arumeru kuna jumla ya vyama 8 vinavyoshiriki uchaguzi na vyote vinastahili kupatiwa nafasi ya habari zao kusikika kwenye kituo hiki cha umma kwasababu kinaendeshwa kwa kodi za watanzania wote, na hata wasio na itikadi za kisiasa.
Walidai TBC kutoonesha kampeni za vyama vingine ni kutowatendea haki watanzania, na haipaswi kuegemea upande wowote katika kuripoti habari zake kama miiko ya taaluma ya habari inavyoeleza.
Hata hivyo, uchunguzi wa arusha255.blogspot.com umegundua kuwa, mshawasha wa wananchi hao kutaka kuona habari za vyama vingine unatokana na ripoti za vyombo vingine vya habari nchini hususani magazeti huru yakiripoti upinzani mkali toka vyama vingine, hususani Chama Cha Demokrasia na Maendeleo, CHADEMA dhidi ya chama tawala CCM.
Mjadala huo haukuweza kupata hitimisho lakini uliishia kwa kujiuliza, je vyama vingine vilivyopo Arumeru katika kampeni havistahili kupata fursa hiyo ukizingatia kuwa TBC ni chombo cha umaa na kinachoendeshwa kwa kodi za watanzania wote bila kujali dini, rangi, kabila na itikadi za kisiasa?
0 maoni:
Post a Comment